Sinopsi

U lind në 2 Shtator 1991, në Shqipëri, Tiranë. Syri i publikut e kapi fillimisht ne sfilatat dhe kopertinat e revistave me te njohura si modele ne 2006 e me pas nje vit me vone ne daljen e saj si velinë e programit investigativ “Fiks Fare“ në vitin 2007. Më tej do të vazhdonte karrierën si moderatore në shumë emisione si “Summer Fest”, “Top Fest”, “E Diell” “ Pa Limit” dhe do t`i rikthehej edhe muzikës, pasionit të vogelise. Në sezonin televiziv që sapo u mbyll, Luana pati emisionin e saj Prime Time në Top Channel, “Shiko Kush LUAN” duke thyer rekorde audience per 4 vite me rradhe. 

 

Lindi dhe Fëmijërinë e kaloi në Tiranë, aty ku ende jeton. Edhe pse publiku e mban mend fillimisht si velinë, më pas moderatore dhe vitet e fundit edhe si këngëtare, në fakt radha nuk është e tillë. Luana e ka nisur fillimisht me muzikën karrierën e saj, vetëm se asokohe ishte ende fëmijë. I ka provuar herët ethet e një kompeticioni kur u ngjit në skenë në Festivalin e Fëmijëve bashkë me Marinën, motrën e saj. Luana ka studiuar kanto për dy vite, që kur ishte 9 vjeçe dhe më pas 1 vit studioi kitarë dhe 1 vit violinë. Për studime të larta do të zgjidhte diçka afer profesionit te saj tashme siç është Mardhenie me Publikun. Në vitin 2014 përfundoi studimet Master në Ekonomi duke numeruar keshtu 2 diploma ne sirtarin e saj.

 

Karriera në televizion

Kulmin e karrierës në televizion do ta shënonte „Shiko kush LUAN“. Programi i humorit nen Autorsine e Luana Vjollces, do të shfaqej Prime Time, nën moderimin e saj përgjatë 4 sezoneve televizive të 2018-2021 duke vendosur vit pas viti rekorde te teja audience.

 

Është e gjatë lista e pjesëmarrjes në programe të ndryshme, në të cilat më së shumti ka qenë protagoniste duke lene shenje unike ne cdo prezantim te saj e njohur per karizmen dhe lirshmerine ne skene Luana Vjollca do ta niste moderimin me daljes e saj ne 2008, 6 vite dilte çdo mbrëmje pas edicionit qëndror të lajmeve në “Top Channel” për të prezantuar motin deri në 2015-ën duke vendosur ne treg nje trend te ri per prezantimin e motit. Gjate kesaj kohe ka realizuar nje sere programesh te rendesishme televizive si “E diell” 2008-2010, Në kompeticionin muzikor “Top Fest”, ka prezantuar nga viti 2010 në 2014-ën, kurse në “Summer Fest” nga viti 2012 në vitin 2015, pra për 4 sezone radhazi e me ten serish rikthim ne “E diell” 2015-2017 me rubrika si “Te cmendur pas” “Dueli i Heshtur” “ Pa Limit”.

 

 

Karriera muzikore

Që nga fëmijëria do të shkëputej për disa vite nga muzika për t`u rikthyer sërish në vitin 2013 me këngën “Tërbohu” e pas saj në vitin 2014 me një baladë të shoqëruar me videoklip, të titulluar “Askush s`do ta besojë”. Menjëherë pas kësaj daljeje, do të vinte bashkëpunimi me Blunt dhe Real në këngën “Luanët” e shoqëruar gjithashtu me videoklip. Të tjera projekte muzikore do të vinin më pas si “E jemja” e publikuar në Mars të 2015-ës dhe më pas, vetëm 4 muaj më vonë do të vinte bashkëpunimi mes saj dhe Getoarit, bashkeshortin të motres së saj, Marinës. “Tirana Lifestyle” do të kishte një impakt të fuqishëm te njerëzit, aq sa do të shndërrohej në një shprehje të përditshmërisë titulli i kësaj kënge. Në 2016-ën publikoi dy projekte muzikore në të cilat kishte zgjedhur të vinte vetëm. “Ai” dhe “Je veç ti” ishin të dyja këngë dashurie, vetëm se “Je veç ti” baladë dhe “Ai” ritmike. Ne 2017-ën publikoi nje projekt tjeter – “Benzina” nje kenge teper ritmike qe rezultoi ne nje sukses te vertete. Ne 2018-ën Luana publikoi nje bashkepunim – “Mi dhe flake mallit tim”, e cila ishte nje kenge shume e pelqyer nga publiku ne bashkepunim me ikonen e muzikes popullore Shqiptare, Bujar Qamili.  Projekti tjeter i saj eshte “Vetem ty”, nje tjeter kenge ritmike dhe e dashur per te gjithe. Per te vazhduar me “ Sonte” “Boll u Bo tu Vujt” “Moj Bjondine me syte e zi” Me tej rrugetimi i saj ne tregun muzikor u kurorezua me shume koncerte e cmime dhe bashkepunime nderkombetare si: “Locos” “Yalla Habibi” ft Faydee 

 

Luana Vjollca e njohur per influences e saj ka qene shpesh e perzgjdhur si imazh kryesor i disa nga kompanive me te medha ne treg si “Digitalb” per 2 vite dhe “Albtelecom” etc

 

Angazhimet në bamirësi

Luana nuk i ka thënë “Jo” ftesave për të marrë pjesë në evente të ndryshme bamirësie. Vizitat e saj në Shtëpinë e Fëmijës “Zyber Hallulli” në Tiranë janë të shpeshta dhe ka një lidhje të ngushtë mes asaj dhe fëmijëve e sidomos vajzave që jetojnë atje. Momente të ndryshme nga takimet i ka ndarë edhe në rrjete sociale. Megjithëse ka edhe evente të tjera bamirësie të cilat jo gjithmonë preferon ti shfaq në publik. Njihet per zemergjersine e saj edhe me kafshet.